Голосник

Русины на Мадярах

В програмі “Печатня” буде про не лем выдавничу діяльніст Русинів на Мадярах.

 

В понедільок по 08.00 вечер запрашам на стрічу з авторком і редакторком вельо книжок і часописів, а дале радийовом журналистком і соспільном діячком, паньом дохтор Маріянном Лявинец з Будапешту.

 

 

“Русинськый букварь” авторства Маріянны А. Лявинец, під редакцийом др. Михала Капраля был выданий в 2011 року.

 

Будеме бесідувати про вчыня русиньского языка в школах і про русиньскы часописи.

“Русинськый алманах …” выдаваний є през Вседержавне Общество Русиньской Інтеліґенциі імени Антонія Годинкы.

 

Буде про соспільну діяльніст, а особливо про інституцию, котра де інде не функцийонує то є русиньскы самосправы на Мадярах.

“Русинськый ренесанс” – антологія русиньской поезиі другой половины ХХ столітя, Будапешт, 2008, вид. Столичноє Русинськоє Меншиновоє Самоуправленіє.

 

Зас найвеце будеме бесідувати про славных Русинів і Лемків, про котрых пані Маріанна Лявинец написала вельо статіі і книжок. Особливу увагу посвятиме памяти професора Антонія Годинкы, найвизнамнійшого Русина з Мадяр.

“Памяти Антонія Годинкы” книжка під редакцийом др. Маріянны Лявинец выдана в памят 150 річниці народжыня вченого. 

 

 

Андрий Копча ведучий Стоваришыня Лемків (разом з проф. Михайло Фейсом і Юрийом Шыповичом) при гробі Антонія Годинкы на теметови в Будапешті. 

 

 

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі