Голосник

Йоганн Себастиян Бах, «З повагом», просит Павел Малецкій – неділя, 20.00 год.

В XVII i XVIII ст. музиків з назвиском Бах было так велоьх, што в Тюринґіі вшыткых занимаючых ся музиком зачато называти Бахами. Але мастер был лем єден. Называл ся Йоганн Себастиян Бах.

Был німецкым композитором і орґаністом епохы бароку, автором більше як тисяча творів, єден з найвыдатнійшых творців в істориі музикы.

Походил з музикальной родины. Музичну едукацию зачал на 8 років. Два рокы пізнійше вмерла му мама, неодолга потім няньо. Йоганн нашол ся під опіком найстаршого брата, товды уж орґаністы. В него познал основы композициі і гры на клявікорді. Самодільне жытя зачал на 15 років. Вандрувал по Німцьох, глядаючы дальшого музичного знаня. По смерты першой жены оженил ся другій раз. Перенюс ся до Лейпціґа, де протягом 27 років скомпонувал більшіст свойой костельной музикы: кантаты, пасиі подля св. Йоана і св. Марка, велику мессию г-моль, ораториі, мотеты.

Посліднім, недокінченым твором Баха была «Kunst der Fuge», значыт штука фуґы. Єдиный свого рода підручник фуґуваной технікы, постепенні вказуючый неограничены можливости контрапунктичной технікы. Вельох вважат тот твір квінтесенцийом поліфоніі.

В проґрамі выслухате м.ін. його брандербуржскых концертів і дакус клясикы інчых клясиків.

Слухайте творчости Баха днес од 20.00 год.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментарі