Днес просиме на продолжыня справы Насты Журав з Бортного, котру жандарм оскаржыл о заатакуваня. Оскаржена боронит ся, што то не єй вина, лем… коровы. Як то ся скінчыт? Слухайте днес.
По представліню донесіня, переслуханях самой оскарженой і членів єй родины, зознаня зложыли дальшы свідкове та оскаржытель. Дознайте ся, як справу закінчыл суд.
Щыро доношу, што четверта серия не презентує поліцийных рапортів про жытя лемківского населіня в меджевоєнным періоді (тото было змістом першой і другой серий), не будут то тіж збійницкы судовы справы сперед парусот років (тым занимали сме ся в третій). Четверта серия є про тото, чым актуальні люблят занимати ся денекотры Лемкы (і ні, не буде нич про гуляня, співаня і печыня кобасок), а по правді то Лемкыні, а так властиві то єдна Лемкыня – суджыньом ся. На разі занимаме ся выміром справедливости сперед 100 років. Сут то головні обычайовы справы, часом назначены кримінальныма приметами, якы вказуют реляциі і односины в лемківскым соспільстві в передвоєнным періоді.
Вшыткы архівальны проґрамы найдете в радийовых подкастах. До почутя!
Премєра – понедільок о 20.00 год., повторіня о 4.00 год. вночы з понеділька на віторок та о 13.00 год. в найблизшу суботу.