Голосник

Словацькый депутат хоче день героїв Дуклі. Говорить о „Русинах-Українцях“

0

Як днесь інформовала Пресова аґентура Словацькой републікы (TASR), депутат Народной рады Словацькой републікы Віліям Ясань, за владну соціалнодемократічну партію Smer-SD, предложыв пропозіцію на новелу закона о державных святах і днях робочого покоя з тым, же хоче встановити 6-тый окробер як памятный день під назвов День героїв Карпато-дукляньской операції.

В минулости ся тот день святковав як День Чехословацькой людовой армады, в сучасности є то день присвяченый жертвам Дуклі, а не героям Дуклі, поясньовав депутат.

Дукля є про Ясаня стратеґічным місцьом 20-го столітя. В Першій світовій войні ту проходили тяжкы бої міджі російсков і австро-угорьсков армадами. Памятков на тоты бої суть цінтері павшых вояків в Ладомировій, Свіднику, Вышнім Мирошові, Дубовій, Юрковій Волі, Цернині і в далшых піддукляньскых селах, повів про TASR Ясань.

Словацькый депутат парламенту, напрік тому, же на Словакії є вызнана окрема русиньска народностна меншына, не розрізнять Русинів од Українців і інформовав TASR о кількости „Русинів-Українців“ в Першім чехословацькім армаднім корпусі армадного ґенерала Людвіка Свободы, котрый войовав на Дуклі.

„До зачатку Карпато-дукляньской операції го творило (армадный корпус, позн. редакції) веце як 16 тісяч жен і хлопів. З того Словаків было коло 20 процент, Чехів 44 процент і Русинів-Українців 24 процент,“ повів про аґентуру Ясань.

Переломліня німецькой дефензівы подарило ся як раз 6-го октобра 1944 року. Зато 6-тый октобер має быти подля новелы закона, яка є передкладана на септемброве їднаня словацького парламенту, тот день присвяченый героям операції.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Петро Медвідь

Народженый в центрі Пряшівской Руси в Пряшові. Локалпатріот. Кавярньовый валюх. Актуалну тему з його точкы погляду мож чути каждый четверь в проґрамі „Вступне до контроли“ о 20.00 год. Контакт: petro@lem.fm

Коментар

Словацькый депутат хоче день героїв Дуклі. Говорить о „Русинах-Українцях“

0

Як днесь інформовала Пресова аґентура Словацькой републікы (TASR), депутат Народной рады Словацькой републікы Віліям Ясань, за владну соціалнодемократічну партію Smer-SD, предложыв пропозіцію на новелу закона о державных святах і днях робочого покоя з тым, же хоче встановити 6-тый окробер як памятный день під назвов День героїв Карпато-дукляньской операції.

В минулости ся тот день святковав як День Чехословацькой людовой армады, в сучасности є то день присвяченый жертвам Дуклі, а не героям Дуклі, поясньовав депутат.

Дукля є про Ясаня стратеґічным місцьом 20-го столітя. В Першій світовій войні ту проходили тяжкы бої міджі російсков і австро-угорьсков армадами. Памятков на тоты бої суть цінтері павшых вояків в Ладомировій, Свіднику, Вышнім Мирошові, Дубовій, Юрковій Волі, Цернині і в далшых піддукляньскых селах, повів про TASR Ясань.

Словацькый депутат парламенту, напрік тому, же на Словакії є вызнана окрема русиньска народностна меншына, не розрізнять Русинів од Українців і інформовав TASR о кількости „Русинів-Українців“ в Першім чехословацькім армаднім корпусі армадного ґенерала Людвіка Свободы, котрый войовав на Дуклі.

„До зачатку Карпато-дукляньской операції го творило (армадный корпус, позн. редакції) веце як 16 тісяч жен і хлопів. З того Словаків было коло 20 процент, Чехів 44 процент і Русинів-Українців 24 процент,“ повів про аґентуру Ясань.

Переломліня німецькой дефензівы подарило ся як раз 6-го октобра 1944 року. Зато 6-тый октобер має быти подля новелы закона, яка є передкладана на септемброве їднаня словацького парламенту, тот день присвяченый героям операції.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Петро Медвідь

Народженый в центрі Пряшівской Руси в Пряшові. Локалпатріот. Кавярньовый валюх. Актуалну тему з його точкы погляду мож чути каждый четверь в проґрамі „Вступне до контроли“ о 20.00 год. Контакт: petro@lem.fm

Коментар