Голосник

«Слово» – 20-та неділя по Сошетствії Святого Духа – неділя, 9.10 год.

Днешнє євангеліє описує приход Хріста зо своїма учениками до міста Наін, з того міста выношають помершого сына матери – вдовіці. Много народа ішло з ньов, пришли, жебы єй потішыли в тяжкій сітуації, многы говорять їй не плач. Але їх слова суть тыж наповнены бессилностьов людьской природы перед законом смерти. Якбы їй повіли не плач, іншак не буде, так мусить быти, нич з тым не наробиме. Но Хрістос приходить і говорить не плач не як іншы люди. Він знать, што одбывать ся в душі той жены ці іншых людей. Він приходить, жебы принести надію тій жені, але і цілому людьству. Пришов до той атмосферы смерти, приношать світло, жывот. Приходить як владыка жывота і смерти. Воскресіньом того хлопця приношать посолство жывота. Же не смерть панує над жывотом, а Жывот панує над смертьов. І пришов вказати, же і кідь ся находиме в безнадійній сітуації, кідь не знаме як далше, ту приходить Хрістос а говорить не плач, Я мам рішіня. Треба лем єдно доволити Хрістови, жебы міг ввойти до нашой сітуації а принести атмосферу жывота, радости і покоя. Слава Ісусу Хрісту!

В неділю, 6-го новембра 2016 р., о 9.10 год. проґрам «Слово», котрый реалізує єромонах Маркіян, ЧСВВ. Повторіня 6-го новембра о 12.10, 15.10, 20.00 год. і 7-го новембра о 2.00 год. за русиньскым часом.

Фото – James Tissot – La résurrection du fils de la veuve de Naïm, Brooklyn Museum, Wikipedia.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі