Голосник

«Слово» – 25-та неділя по Сошествії Святого Духа – неділя, 9.00 год.

В днешнім євангелію чітаме, як за Ісусом приходить учітель закона, жебы го покушав такыма словами: Што робити, жебы набыти вічный жывот? Ісус видів до його душі, не дав му одповідь такой, але звідує ся го як знателя закона: Што в законі маш написане, як то там чіташ?

А тот одповів: Будеш любити Господа Бога і свойого ближнього. А на тото Ісус одповідать: Добрі єсь повів. Так роб і будеш жыти. Но, тот учітель закона ся хотів оправдати, і так ся звідує, хто є то втоды мій ближній? А Ісус видячі переміну його думаня, говорить образный приклад о чоловікови, котры упав до рук розбійників. Котрому не помогли ани священик, ани левіт, лем милосердный Самарянин, котрый постарав ся о нього. Тым образным прикладом Ісус реаґує на опрос того чоловіка. Як кебы му повів: Ты єсь тым чоловіком упавшым до рук рознійників. Твоя душа є засліплена, ты, котрый першый мав познати Спасителя з пророків, зо закона ці псалмів, а вести ку току познаню і другых, оставаш в сліпоті. Но я про тебе тым Самарянином, котрый тобов не погордив, але постарав ся о тебе. Тыж говорить о цілім людстві, ці о каждій душі, котра упала до рук розбійників ці демонів, котры єй дораняли гріхами і стратями і зохабили на пів мертву неспособну посмотрити горі ку небу ку вічности. Приходить Хрістос як милосердный Самарянин, котрый бере на свого осла – то є тіло, котре прияв із Богородіці, приношать до свойй Церькви давать два дінары то є святы тайны, ці Тіло і Кров у євхарістії.

А так само як повів тому учітельови закона, говорить і ку нам: Ідь і роб так само. Ісус в днешнім слові вказує нам приклад любви Бога ку чоловіку а позывать наслідовати тот приклад і в нашім одношіню ку ближнім. Слава Ісусу Хрсту!

 


В неділю, 8 децембра 2019 р., о 9.00 год. проґрам «Слово», котрый реалізує єромонах Маркіян ЧСВВ. Повторіня 8 децембра о 12.00 і 9 децембра о 2.00 год. за русиньскым часом.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Avatar

Коментарі