Голосник

«Слово» – Мясопустна неділя – неділя, 9.00 год.

Неділя мясопустна. Ісус говорить о своїм другім приході. Прийде як царь, зыйдуть ся перед ним вшыткы люди, но тото згромаджіня не буде єднакым. Дiйде ку одділіню єдных од другых. На правій стороні стоячіх позывать до свого царьства за проявліня любви ку ближным, што Він приписує собі. Мі сьте то зробили. А тым на ліво повість: Ідьте до огня вічного приготовленого діяволу. Не вам то было приготовлено, но вы сьте сі то выбрали свойов нелюбвов, немилосердьом, ненавистьов місце на стороні з діяволом.

Завтрашньов недільов ся пущать їджіня мяса. Пущаньом мяса зо звірят не їджме ани мясо нашых ближных, через ненависть, гнів, злобу, а перебывайме у взаємній любви, бо то є характерістічный знак нашой приналежности ку Хрістови і крітеріом на страшнім суді.

В неділю, 5. марця 2016 р., о 9.00 год. проґрам «Слово», котрий реалізує єромонах Маркіян ЧСВВ. Повторіня 5. марця о 12.00, 15.00, 20.00 год. і 6. марця о 2.00, 8.00 год. за русиньскым часом.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі