Голосник

«Слово» – Неділя мясопустна – неділя, 9.00 год.

0
Євангеліє днешньой неділі говорить нам о другім приході Ісуса Хріста. О розділіню на дві стороны. Єдным повість Царь: Подьте благословены од Мойого Отця і будьте наслідниками Царьства небесного, вічного блаженства. Другым, тым што на лівій стороні: Ідьте од мене прокляты до вічного огня, што приготовленый про діявола і його ангелів. Самоперше днешнє слово є посолством радости, же Господь не зохабить своїх выбраных, же про них є приготовлене небесне Царьство. Же Він знова прийде на Землю, жебы воскресити з пороху землі і забрати їх до вічной славы. О проклятых не говорить, вам было приготовлене тото проклятя у вічнім огні, але діяволу. Бог хоче спасіня каждого а не смерть, но чоловік собі выберать а Бог решпектує тот выбор. Тото слово нас позывать задумати ся, на котрій сьме стороні, а і кідь на тій лівій, покля сьме іщі на землі, мож тото змінити через покаяня, перейти на праву. При другім приході є покаяня даремне. Приймиме тото посолство євангелія, жебы сме могли учути тоты радостны слова: Подьте благословлены… Слава Ісусу Хрісту!
В неділю, 19-го фебруара 2017 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 19-го януара о 12.00, 15.00, 20.00 год. і 20-го януара о 2.00 год. за русиньскым часом.

Фото – Мясопуст – Петро Бройґель (старшый) – (Wikipedia).

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментар