Голосник

«Слово» – Неділя мытаря і фарізея – неділя, 9.00 год.

Днешня неділя называться недільов мытаря і фарізея подля образного прикладу, котрый сьме чули в євангелію о двох людях, котры пришли до храму ся помолити. Фарізей ся молить ку собі, дякує, же не є як іншы і додає, што він робить, постить ся два разы до тыждня і давать десяткы. Но мытарь в щірости сердця, признаючі свою провину, просить о одпущіня. Ісус говорить, же мытарь одышов оправданый до свого дому. Фарізей не потребовав Бога, вшыткы заслугы приписує собі. А Бог не принимать тоту його „жертву“ як в старім завіті не приняв жертву Каiна. Бог видить нелем вонкашнє, но і наше внутрішнє. Бог видить нелем саме діло, но і наміріня, з якым го чоловік творить. Учме ся од фарізея творіня його діл, но втікайме од його приписованя собі заслуг за них, і од мытаря учме той щірости, покаяню, а втікайме од його злых діл. У вшыткім майме на памяти Божу славу, і з тым наміріньом приступуйме і ку нашій молитві і ку творіню добрых діл. Слава Ісусу Хрісту!
В неділю, 5-го фебруара 2017 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 5-го януара о 12.00, 15.00, 20.00 год. і 6-го януара о 2.00 год. за русиньскым часом.

Фото – Фарізей і мытарь – (Wikipedia).

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

 

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі