Голосник

Танці з русиньского Шаришского Ястрабя в Братиславі

0

Стоваришыня Драґуні і того рока продолжат ведений од парох років Танцувальний Дім і просит 16. лютого/фебруара до Братиславы на науку традицийных танців меншын Словациі. Дотепер любителі народных танців мали нагоду попрібувати ся в чардашу (чысленных його версиях з ріжных сел), фрішці, мазули і вельох інчых.

Тым разом навчыти буде ся мож танця зо словацкого села Штырба (липтовскій реґіон) і танця з русиньского села Шаришскє Ястрябя (шаришскій реґіон). Варштаты вести будут Барбара Моронґова та Франтішек Моронґ, пригрывал буде ансамбль Борєвка, а специяльным гостьом буде Русиньскє Тріо. Початок танців то 20.00 год. За дрібницями і другыма інформациями зазерайте на фб-сайт tanecnydom.skФорма варштатів все єст подібна – сут они поділены на дві части. Вчас першой, по презентациі відеопроєкциі автентичных выступів, участникы вчат ся двох народных танців. Друга част мат форму свобідной забавы, вчас котрой проходит практична провірка того, што участникы ся навчыли на даній стірчы і на скоршых варштатах.

Думка на Танцувальны Домы явила ся в 70. роках минулого столітя на Мадярах. Была то одповід на потребу люди, котры хотіли вчыти ся народных танців, а не мали де, не мали бо можности быти членами дакых фольклорных ґруп ци ансамблів. В 2002 р. в Братиславі зобрала ся ґрупа студентів і абсольвентів Высшой Музычной Школы, якы основали Стоваришыня Драґуні, жебы того рода Танцувальний Дім зорґанізувати. Од того часу реґулярні орґанізує ся там науку танців меншын – в тым, очывидні, русиньской нацийональной меншыны – жыючых в Словациі.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментар