Голосник

«Тыжден дозаду» – Был бача і был бык… – середа, 20.00 год.

0
В середу о 20.00 год., за лемківскым часом, просиме слухати проґрам «Тыжден дозаду». Передаме поражаючы вісти, позначыме стежкы і здемаскуєме політичне лемківство.

Днес як ся поведе придеме потягом до Любіна, а з нашого архіву новинарскій провокацийный вершык Петра Мурянкы пн. Бык і бача

Был бача,

был бык,

бык біл.

Та недост того!

Все лем ся бычыл

і бочыл

і бучал,

аж бачы докучыл.

I ввязал бача

быка до бука

і бил.

А кед уж зачал –

бил бичом,

бил і корбачом,

на квасне ябко

быка збил.

Бык бачы не пробачыл

нестерпний біль

і… збіл.

І бача не пробачыл.

Продал быка на ярмаку в Бічу,

купил теличку

в Тыличу.

фото: wikimedia

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментар