Голосник

Варгол проданый за 151 міліонів доларів

Портреты Елвіса Преслія і Марлона Бранда дражыли в нюйорьскім авкчнім домі Christie’s.

На авкції в Ню Йорку ся подарило продати два рарітны портреты Елвіса Преслія і Марлона Бранда, котрых автором є вызначный уммелець русиньского походжіня Анди Варгол, за веце як 151 міліонів доларів. Інформовала о тім аґентура АП.

Варголів „Троїтый Елвіс“ продав ся за 81,9 мілінонів доларів, за „Штирьох Марлонів“ заплатив новый маїтель 69,9 міліонів доларів. Авкція повойнового і сучасного уменя проходила в авкчнім домі Christie’s. Образы мають вышку 2,13 метра. Авкція одбывала ся 12. новембра 2014 р.

Жрідло: www.sme.sk

Шеруй.

О авторі

Петро Медвідь

Народженый в центрі Пряшівской Руси, в місті Пряшів. Локалпатріот. Актуалну тему з його точкы погляду мож чути каждый четверь в проґрамі Вступне до контроли о 18.10 год. Каждый робочій день од 8.00 год. мож слухати його Корзо, в котрім вас возьме до світа актуалной політікы. Контакт: petro@lem.fm

Коментарі