Варштаты крашыня яєц в Тернополи

З зачатком Великого Посту (за юлияньскым календарьом), в ріжных частях світа де прожывают Лемкы проходят вшелеякы выставкы, звязаны з Великодньом, як і варштаты крашыня яєц, котры точно сут символом того найбільшого християньского праздника. Єдны з такых варшатів будут проходити на Украіні, а буде іх вела спілпраціничка радия лем.фм – Анна Кырпан.

Подія одбуде ся 20. марця т.р. о 12.00 год в тернопільскым одділіню орґанізациі «Товариства Лемківщына». Орґанізаторе просят заінтересуваных взяти участ в варштатах, жебы принесли зо собом добрий настрій і віск, або хоц-яку свічку. Окрем того, не обыйде ся без яєц – найліпше мати білы курячы яйця. Добрі мати зо собом дакы ряндочкы, кєд бы дашто требало вытерти.

То не перша уж подія з сериі «БАБИН КУФЕРОК» при Лемко-Клюбі «МОЯ ХЫЖА». Вчас Великого Посту варшаты будут проходити кажду неділю – першы одбыли ся в послідню неділю перед зачатком посту. Дальшы стрічы будут вести другы інструкторы крашыня писанок. 

anna_kyrpan_2

anna_kyrpan

фот. надіслала Анна Кырпан.

Культура

Про автора

Севериян Косовскый
Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментар