Велика Война і аеропляны – медженародова конференция

0

В половині мая т.р. буде проходила медженародовоа наукова конференция про авіяцию в нашій части Европы вчас І Світовой Войны.

Стріча істориків буде проходила в рамках проєкту Од Ґорлиц по Кавказ, Левант Альпы і Адриятик – значыт авіяция на Східнім Фронті, над Балканами і на Близкым Сході 1914-1918. Проблематика конференциі тыкала буде авіяцийных боів з років 1915-1916 на 100 років по тых подіях і буде частю дослідничой сериі, континууваной в виді двох наступных конференций, рыхтуваных на 2017 і 2018 рік. Вшыткы навязуют до 100. річниці Великой Войны.

Конференция орґанізувана єст м.ін. прото, жебы зорвати зо стереотипом, подля котрого воєнна істория Великой Войны то головні подіі під небом Франциі, або Бельґіі. То вказаня професийныма істориками, занимаючыма ся досліджынями тых подій, што на Східнім Фронті, Балканах і по части над Альпами тіж проходили піднебесны боі.

Орґанізатором конференциі єст Інститут Істориі з Ряшівского Університету, Ґорлицкій Повіт та Музей Дворы Карвациянів і Ґладышів в Ґорлицях. Конференция буде проходила в дн. 18.-19. мая 2016 р. в Конференцийно-Выставенничым Осередку «Каштель» в Шымбарку.

Мериторичну опіку тримат др габ. Анджей Олейко, проф. УР, завідуючий Закладом Войсковой Істориі Інституту Істориі Ряшівского Університету.

Джерело знимок: Вікіпедия

Share.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од штырьох років доносит о вшыткым, што ся діє на Лемковині. І не лем. Контакт: natalia@lem.fm

Коментар

Zrealizowano dzięki dotacji Ministra Spraw Wewnętrznych i Administracji.
© Copyright by лем.fm. 2017. Вшыткы права застережены.