Голосник

«Великом ганьбом было на весілю не знати співати…» – 70 процент – субота, 20.00 год.

0
Великом ганьбом было на весілю не знати співати… Што найменьше так тримат Теличанка – Мария Варґа.
І танцювати не знати – великій стыд… Співанок ся співало барз дуже. Ей, свашка то я, свашка, Ей, юж єм пресващыла, Ей, остатню корову, Ей, з дружбами пропила… Так іронічні представлят весільну гостину весела співанка – но бо якє то весіля без жартів? А як было направду? Кілько пили, што іли колиси Лемкы на весільній гостині? А якы танці любили? О тым вшыткым – принаймні о тым як ся святкувало в Теличу – оповіст нам зас Мария Варґа (по мужу Тарасєвіч). А спочатку повіст нам о олиярни, о лемківскых кошыках, о телицкых Жыдах… А тыж о тым, чом Телич юж ниґда не буде такым як колиси.
Шеруй.

О авторі

Вродила ся в 1970 році во Львові. І уж неодолга писала, малювала, но і витинала преріжны річы з паперя. І робит тото доднес, але тепер уж в Івано-Франківску. До Лем.ФМ трафила припадково. До того часу робила з дітми, вчыла іх журналистыкы і малюваня. Барз любит люди, якых презентує слухачам в проґрамі «70%». Грызе ся, же єдного дня правдивы Лемкы можут ся скінчыти. Зато, жебы зімати диктафоном вшыткых, глядат когоси доброго і щырого до помочы… Як хочете дашто повісти, то пиште: anna_kyrpan@bigmir.net

Коментар