Голосник

Вінчуєме, вінчуєме…

Вшыткым нашым слухачам, чытальникам, сотрудникам в нацийональным ділі, што за старом традицийом празднуют Рождество Христове, з нагоды свят, желаме, вінчуєме…

Вінчуєме Вам желаме: жебы сте все были здоровы,
жебы вам ся добрі доіли коровы,
жебы вам свині буры не рыли бандуры,
а єлень і серна, жебы не xодили вам до зерна.
Жебы вам ся родило жыто як корыто, біб як сніп,
пшениця як рукавиця, ярец як палец ,
а овес як кудлатый пес.
Жебы сте мали тілько діточок, што на небі звіздочок.
Жебы вашы діточкы маленькы были все здоровенькы.
Жебы до школы xодили і добрі ся вчыли.
Жебы чытали, писали і рідного лемківского языка ниґда не забывали.
Іщы Вам вінчуєме-желаме,
вашыткым – нам –  Лемкам ся вернути до рідного Краю.
Збудувати сто два села по тисяч номерів,
на лемківскій териториі, не лем на папери.
Жебы стал сніп при снопі, копа при копі,
а ґазда все при ґаздыни.

Того і іщы більше вінчує редакция лемківскых медий – ЛЕМ.фм+ вєдно зо своіма спілпрацівниками і кореспондетами.

Христос Раждаєт ся!

Шеруй.

О авторі

Севериян Косовскiй

Народженый на чужыні. В 2014 році писал матуру з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Любитель давной Лемковины. Годен годинами слуxати про втрачене лемківскє щестя. Актуальні веде веселый проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментарі