Голосник

Вмер Павел Дубец

З жальом повідомляме, што 26. марця 2019 р. на 86. році жытя одышол Павел Дубец. Покійный народил ся во Фльорицні. Был членом Стоваришыня Руска Бурса в Ґорлицях. Часто одвиджал порогы бурсяной бібліотекы.

Похоронны богослужыня пройдут в церкви Святой Тройці в Ґорлицях. Зачнут ся в четвер, 28. марця 2019 р., о 18.00 год. Парастасом, а пак чытаньом Псалтыря. О ден, 29. марця, од 10.00 год. правлена буде Божеска Літургія Преждеосвященных Дарів, а по ній – чын Похорону. З Ґорлиц тіло покійного перевезене буде до Фльоринкы, де бл. п. П. Дубец похороненый буде на тамтышнім цмонтери.

Участникы похоронных богослужынь прошены сут, жебы заміст квітя, жертвувати на «Великоднє Діло Милосердя» – пушка на тоту ціль находит ся в ґорлицкій церкви.

Редакция порталю передає кондоленциі сынови Покійного, о. прот. Романови Дубецови, і цілій родині.

Вічная Памят!


На сайті www.beskid-niski.pl чытати мож спомины Покійного о велийных звыках в рідній Фльоринці.

Шеруй.

О авторі

Севериян Косовскiй

Народженый на чужыні. В 2014 році писал матуру з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Любитель давной Лемковины. Годен годинами слуxати про втрачене лемківскє щестя. Актуальні веде веселый проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментарі