Голосник

«A Я[К]» пішол до Гыровы – віторок, 20.00 год.

0
Єдныма з першых властителів села были Кобиленьскы ербу Ґжымала, дале Ціковскы, Варшыцкы пак аж до кінця ХІХ ст. – Мациньскы. В тым часі Гырова чыслила 550 жытелів. На околицю знана была з прикрашаня особливі гардых дво- або трифаребных писанок.

Перед ІІ світовом войном діяла в селі особлива почтова скринка з металю, котру мож было переносити. Была заперана на колодку. Переношено єй з хыжы до хыжы. Тот, хто іхал до Дуклі, брал єй зо собом, надавал листы, а з міста привозил почту і розносил Гыровянам.

По выселінях лемківскы ґаздівкы заняли жытелі сусідньой Івлі, знищеной через фронт. По днес стоіт в селі церков Покровы. До храму путували вірны аж і зо Словациі. Гейбы в чудовый спосіб ікона Богородиці нашла ся в селі аж з Мадяр.

Більше о селі почуєте днес в проґрамі о 20.00 год., a веце архівальных знимок глядайте гев.

Фот. горі. Церков в Гырові, Cerkwie Kamil Paluszek


A Я[К]…? – звиджаня і познаваня Лемковины од А до Я. Історично-ґеоґрафічны прогулькы по селах і знаных, або менче знаных, особливостях Лемковины. Што тыжден творена єст нова позиция в радийовій енциклопедиі Лемковины.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментар