Голосник

«A Я[К]» в Радошыцях – віторок, год. 20.00

0
Радошыці то найстарше село долины Ославиці. Находит ся при пути, котрым од все ішол гандльовый тракт. Думат ся, што первістні Родошыці были польскым селом, але коли выдано селу локацийну привілегію в 1441 р., то обшыр тоту окрислено як порожню.

Близко кілометер за Радошыцями в 1878 р. побудувано капличку. Выбиват гын джерело з водом, яка має мати оздоровляючу силу. Фондатором той капличкы был радошыцкій духовный. Побудувал єй в подякуваню за оздоровліня тяжко хворой дівкы. Од того часу благодійне джерелко зачали одвиджати поломникы з обох сторін Карпат. Што рока орґанізувано при каплици кєрмешы. В часі войны каплицю знищено, а люди з того лемківского села выселено. Під конец ХХ столітя за стараньом о. Йоана Піпкы каплицю одбудувано і од 2000 р. зас зачато стрічати ся при чудотворным джерелі.

Більше о селі почуєте днес в проґрамі о 20.00 год.

А кєд хочете попозерати на дакы архівальны знимкы зо села, то перейдте до нашого архіву – гев.

Церков в Радошыцях, фот. Каміль Палюшек, фб: Cerkwie та Pełny Kadr Kamil Paluszek

Церков в Радошыцях, фот. Каміль Палюшек, фб: Cerkwie та Pełny Kadr Kamil Paluszek

Церков в Радошыцях, фот. Каміль Палюшек, фб: Cerkwie та Pełny Kadr Kamil Paluszek

Радошыці фот. Каміль Палюшек, фб: Cerkwie та Pełny Kadr Kamil Paluszek


A Я[К]…? – звиджаня і познаваня Лемковины од А до Я. Історично-ґеоґрафічны прогулькы по селах і знаных, або менче знаных, особливостях Лемковины. Што тыжден творена єст нова позиция в радийовій енциклопедиі Лемковины.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментар