Голосник

Зимово-святочне «З повагом», просит Павел Малецкій – неділя, 20.00 год.

«Зимовы мриі», «Ніч перед Рождеством» ци «Зимовый вітер». Остаєме в святочно-зимовых климатах. Днешній проґрам «З повагом» забере нас до Диканців під Полтавом, Лейпциґу і Парыжа.

Зачнеме од «Зимы» А. Вівальді, першы такты котрой прикликуют падаючы сніговинкы, а сонне Largo вказує вид теплой середины, коли назовни шаліє снігова буря. Пак вызвучыт експресийна етиюда а-моль оп. 25 но 11 «Зимовый вітер» Ф. Шопена. В дальшій части почуєте «Gloria in excelsis Deo, BWV 191» Й. С. Баха – єдину по латиньскы кантату од того барокового композитора.

Друга половина проґраму то симфонія но 1 «Зимовы мриі» од П. Чайковского, част ораториі «Оратория на Різдво» авторства Каміля Сен-Санса. Звінчыньом проґраму буде оркєстрова суіта з оперы М. Римского-Корсакова «Ніч перед Рождеством».

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі