Голосник

Зміст – заміст

Днешній проґрам з циклю 70%, котрий мал быти реляцийом з VI зъізду Всеукраіньского товариства «Лемківщина» во Львові не буде емітуваний.

Проґрам тот не може быти высыланий з огляду на презентуваний зміст, сперечний з записами обовязуючых в Польскій Республиці законів, м.ін. Уставы з дня 6. січня 2005 р. про нацийональны і етнічны меншыны та реґіональний язык. Реалізуваний од 2011 рока, з ґрантовом підпором міністра, проєкт – Лемківскє інтернетове радийо Стоваришыня Руска Бурса «ЛЕМ.фм» – як головну задачу має підтримувати і розвивати лемківску етнічну достоменніст.

Зміст реляциі і голошены в ній антидемократычны, антиевропейскы выповіди і повязаны з фашыстовском ідеолоґійом символі не служат цілям записаным в реченій Уставі і інчых законах.

З той причыны, узнал єм, же презентуваня ксенофобічных, антилемківскых пропаґандовых поглядів не выполнят той ціли і не іде на хосен никому. Навет пропаґаторам приведеных ідеолоґій.

Даміан Трохановскій, шефредактор радия ЛЕМ.фм.


О 21.00 год. будет мати нагоду послухати проґрам “Русины одышли”. За зміны – пробачте.

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментарі