1.000 підписів під петицийом!

Понад тыжден од заявліня петициі Карпаторусиньскым Консорциюм Пілнічной Америкы, з приємністю інформуєме о тым, же, хоц псы брешут, каравана іде дальше. Днес уж понад 1.000 осіб з цілого світа підписало тоту одозву до найвысшых власти Украіны, в тым єй президента – Петра Порошенка, о вызнаня Русинів окремом народністю.

Посеред противників змін в тій обшыри петиция выкликала вельо емоций і пошырюваня великой кількости неправдивых, лжывых інформаций, хоц вызнаня Русинів вписує ся в демократычний, проевропейскій напрям сучасной Украіны, так часто декляруваний днешніма єй ґаздами.

Як редакция порталю lem.fm найбарже болієме над стильом коментуваня той справы радийом Свобода, котре, продолжуючы прекрасну і важну в істориі ролю мирной борбы з комуністычным тоталітаризмом, своім підходом заперечує ідеям його основателів (коментарі: Даміан Трохановскій і Петро Медвідь).

Збераня підписів іщы не заперте. Кєд мате дяку підписати петицию, клікнийте на тот мотузок. При тым, не забудте выслати інформацию до своіх знаємых через е-майль, Фейсбук, або Твіттер.

Дякуєме за підпору акциі!