100 років од початку Великой Вoйны

Велика Вoйна – перша світова вoйна (28. червця 1914 – 11. листопада 1918) то єден з навекшых воєнных конфліктів в історіі людства.

Причыном до вoйны послужыло сараєвскє вбивство з 28. червця 1914 рока австрийского архікнязя Франца Фердинанда девятнадцетлітнім сербскым террористом, студентом з Босні, Гавриілом Прінципом, єдным з членів террористычной орґанизациі «Молода Босня», котрой головным проґрамом было зъєднаня вшыткых полудньовославянскых народів в єдній державі.

Результатом Великой Вoйны был розпад штырьох імперияльных держав: Австро-Мадярской, Росийской, Османьской і Німецкой. Стороны-участникы війны стратили більше як 10 млн вбитых солдатів, около 12 млн мирных державлян, а праві 55 млн люди было раненых.

горi на фото: воєнний цмонтір в Верден, де жытя стратило праві 800 000 жолнірів (джерело: вікіпедия).

долов: воєнний цмонтір нр 4 в Грабі на Лемковині при дорозі на Нижню Полянку.