Великоднє «З повагом», просит Павел Малецкій – неділя, 20.00 год.

Великден – найважнійше з реліґійных християньскых свят, є богато репрезентуване в музиці. То традиция реліґійной, клясичной і народной музикы.

В тій послідній царюют пісні співаны в костелах, церквах, але і в домах. Великден то тіж традиция найвысшой, артистичной музикы, котра од пізного середвіча по найновшы часы має оддзеркаліня в ріжных творах. До найбарже знаных причыслят ся пасиі Йоана Себастияна Баха та Фелікса Мендельсона.

Проґрам зачнеме од фраґментів ораториі «Месия» Ґеорґа Фрідріха Генделя, твору про жытя, смерт і воскресіня Ісуса Христа. Пак вызвучат фраґменты найскорше датуваной реліґійной композициі Антонiо Вівальді «Стабат Матер». Дале – дві сонаты Генріха фон Бібера.

«Оратория на Великден» Йоана Себастияна Баха то дальша композиция презентувана в проґрамі, закінчыньом котрого будут фраґметны «Царя Юдейского» Александра Ґлазунова, єдного з найважнійшых творів того росийского композитора.