З чого, з чого такой може возникнути поета? З чого сконструуваны його поезиі? Што то за смальта, з якой в голові укладат поета мозаіку свойой поезиі? З чого вырастат верш, на якым ґрунті?
І взагалі – як то так укладают ся ґены, же выходит з той комбінациі поета ци маляр? Якє значыня на возникніня верша мат ідеолоґічный тиск ци цілковита свобода, особисте щестя ци драма?
О тым думала єм, коли робила ся тота передача. Цікаво, о чым будете думати вы, як будете єй слухати… Певно, не лем про Богдана Корвача родом з Синявы, а і про вшыткых, пред котрыма нераз нелегкій выбір: свобідна творчіст і нелегкє жытя ци понижаюча служба і вшелеякы выгоды…
Коментарі