«70%» – З Жеґєстова до Галича – ч. 1 – неділя, 18.00 год.

Образ Святой Родины, якій колиси вісіл на стіні в хыжы Собчышаків в Жеґєстові, вісит тепер на стіні в мешканю пані Стефы Крук в Галичу. Напроти – побільшене фото єй вітця, Осифа Собчышака. Він гейбы смотрит на тот образ. Тота репродукция – антикварият, якого єст дост дуже, іх колиси друкували великыма тиражами, і они не барз унікальны. Они цінят ся переважні як родинны реліквіі.

Ото і в родині Собчышаків шануют образ Пресвятой Родины, якій передає ся од старшого молодшому поколіню. До него молили ся Собчышакы долго на рідных землях, молили ся в часі выгнаня, молят ся і тепер.

Пані Стефанія за довгы рокы уж знає: кєд молити ся щыро пред тым образом, Пан Біг дає тото, о што Його просят. О ріжне просила она в жытю, а тепер просит-молит лем о єдно: жебы внук щестливо вернул з фронту. Можете о тото помолити ся і вы, дорогы слухачы.

А мы тымчасом перенесеме ся в давны часы, в прекрасне село Жеґєстів понад Попрадом…