Комунікат ведучых Стоваришыня «Руска Бурса» та Стоваришыня Лемків

Ведучы Стоваришыня «Руска Бурса» в Ґорлицях та Стоваришыня Лемків в справі закінчыня Нацийонального Повселюдного Списуваня Жытелів і Мешкань 2021

Дня 30. вересня закінчыло ся Нацийональне Повселюдне Списуваня Жытелів і Мешкань 2021. Дякуєме вшыткым, котры при списуваню думали на тото, што лемківска нацийональніст є частю іх ідентичности і дополнює ріжнорідніст Польщы.

Віриме, што до лемківской нацийональности приголосило ся векше чысло осіб як в остатнім списуваню, якє проходило десят років тому. Ціла бо декада несла ся в позитивній енерґіі i безперерывній роботі представників інституций, орґанізаций, стоваришынь ци волонтерів.

Завершыньом вшыткых діянь была загальнорусиньска кампанія Сме Русины / Сме Лемкы. В Польщы провели сме ріжны онляйновы i офляйновы активности. Через социяльны сіти дотерли сме до соток тисячів осіб, зрыхтували сме і емітували пару місяців радийоспоты, презентували в інтернеті відеоспоты, наша друкувана преса была означана візуальом кампаніі, по селах розвісили сме плякаты, роздали летучкы, розмістили великоформатовы банеры, публикували сме популяризаторскы статі, спілтворили сме офіцияльны інформацийны материялы реализуваны Головным Статистичным Урядом в Польщы. Заохочали, припоминали, усвідомляли сме, што СМЕ.

Великым і в істориі Русинів вынятковым успіхом было тото, што до заініциюваной Русинами на Словациі соспільной кампаніі Сме Русины прилучыли ся окрем Лемків в Польщы, Русины в Чехах, Сербіі, Хорвациі і в Румуніі. Схоснуваня єдного візуального концепту і слоґану підкрислило важніст спілпрацы Русинів жыючых в ріжных енклявах в рамках держав Европы.

Дякуєме вшыткым, котры допомогли в реализациі кампаніі. І хоц бы не принесла она вымрияных статистичных показників, то принесла нам знаня, што спілпраца приносит долгодобовы і вымірны результаты.

Наталія Малецка-Новак
Ведуча Заряду Стоваришыня «Руска Бурса» в Ґорлицях

Андрий Копча
Ведучый Головного Заряду Стоваришыня Лемків

Przewodniczący Stowarzyszenia „Ruska Bursa” w Gorlicach oraz Stowarzyszenia Łemków w sprawie Narodowego Spisu Powszechnego Ludności i Mieszkań 2021

Dnia 30. września zakończył się Narodowy Spis Powszechny Ludności i Mieszkań 2021. Dziękujemy wszystkim, którzy przy spisywaniu uznali, że łemkowska narodowość jest częścią ich tożsamości i dopełnia różnorodność Polski.

Wierzymy, że łemkowską narodowość zadeklarowała większa liczba osób niż podczas ostatniego spisu, który odbywał się dziesięć lat temu. Cała dekada bowiem przepełniona była pozytywną energią i niestrudzoną pracą przedstawicieli instytucji, organizacji, stowarzyszeń i społeczników.

Zwieńczeniem wszystkich działań była ogólnorusińska kampania Sme Rusyny / My Łemkowie. W Polsce zrealizowaliśmy różne działania online i offline. Dzięki mediom społecznościowym dotarliśmy do setek tysięcy osób, przygotowaliśmy i emitowaliśmy przez kilka miesięcy okolicznościowe spoty radiowe, prezentowaliśmy w internecie spoty wideo, nasza drukowana prasa była opatrzona znaczkiem kampanii, po wsiach rozwiesiliśmy plakaty, rozdaliśmy ulotki, rozmieściliśmy dużego formatu banery, publikowaliśmy artykuły popularyzatorskie, współtworzyliśmy oficjalne materiały informacyjne przygotowywane przez Główny Urząd Statystyczny w Polsce. Zachęcaliśmy, przypominaliśmy, uświadamialiśmy.

Ogromnym i w historii Rusinów wyjątkowym sukcesem było to, że do zainicjowanej przez Rusinów na Słowacji społecznej kampanii Sme Rusyny przyłączyli się oprócz Łemków w Polsce, Rusini w Czechach, Serbii, Chorwacji i w Rumunii. Wykorzystanie jednej wizualnej koncepcji i hasła podkreśliło wagę współpracy Rusinów mieszkających w różnych krajach europejskich.

Dziękujemy wszystkim, którzy przyczynili się do zrealizowania kampanii. I nawet gdyby nie przyniosła ona oczekiwanych wyników, to uświadomiła nam, że współpraca przynosi długofalowe i wymierne efekty.

Natalia Маłeckа-Nowak
Przewodnicząca Zarządu Stowarzyszenia „Ruska Bursa”

Аndrzej Kopczа
Przewodniczący Głównego Zarządu Stowarzyszenia Łemków