Знаме уж темы тогорічной матуры з лемківского языка
Центральна Еґзамінацийна Комісия, по нашым телефоні, удоступнила темы тогорічной матуры з лемківского языка.
Тогорічны матуристы могли выберати спосеред 2 тем:
- Тема 1. На основі даного урывка тексту передстав проблем і порозважай над ним. Выкорыстай тезу і думкы автора і однес ся до інчого тексту культуры. Твоя працa повинна чыслити не менше як 300 слів. (текст: Петро Мурянка, Што то є совіст, або по народному – сумліня),
- Тема 2. Зроб порівнуючу аналізу і інтерпретацию вершів. Твоя праца повинна чыслити не менше як 300 слів. (вершы: Миколай Коневал, Споминка на Талергоф і Петро Мурянка, Пісня Талергофців).
Матуральны аркушы доступны сут за тым мотузком.
Як дознали сме ся в телефонічній бесіді з секретариятом Центральной Еґзамінацийной Комісиі, того рока до матуры з лемківского языка зареґіструваных было троє учеників – вшыткы в краківскій Округовій Еґзамінацийній Комісиі, під котру підлігают школы на Лемковині. Двоє з них з Ґорлиц (єдна не підышла до іспыту), третій матуриста то ученик єдной з краківскых середніх шкіл (не маме іщы інформаций, хто то был).
При нагоді, просиме на бесіду нажыво о 19.00 год. в радию ЛЕМ.ФМ з п. Анном Шмайдом – тогорічном матуристком з лемківского языка, котра, як уж встигли сме ся дознати, выбрала першу тему на днешнім еґзаміні.
Повязаны дописы
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
