Акция „Благодарна лемківска пачка”

Православна парафія Успіня Пресвятой Богородиці в Лугах третій уж раз орґанізує акцию Благодарна лемківска пачка.
То ініциятыва піднята на взір загальнопольского проєтку Благодарна пачка. Цілю обох акций є поміч родинам, якы находят ся в тяжкій материяльній ситуациі і споможыня іх ріжного рода подарками в тым вынятковым, бо святочным, часі.

Долучыти ся до акциі мож барз легко. Старчыт передати грошы (свобідну суму) на конто парафіі, а пак особы заанґажуваны в проєкт зроблят закупы і розпровадят пачкы потрібуючым. За дрібницями смотрте на долучений долов афіш.