Сме дослідниками з Варшавского Університету, якы заінтересуваны сут реґіональном проблематиком і досліджаньом етнічных меншын в Польщы і поза Польщом. В нашым досліджыню звідаме Вас о тото, як ся чуєте, як постерігате себе і світ та досвід быти Лемкыньом/Лемком в часі пандеміі коронавіруса.
Хочеме познати Вашы опініі на інтересуючы нас дослідничо квестиі. Неє ту ни добрых, ни злых одповіди, важне лем, жебы были они правдивы і щыры.
Результаты будут нами схоснуваны, жебы створити загальны аналізы, што выкорыстаме в науковых цілях. Внескы з досліджыня можут ся єднак придати, жебы підтримувати культуровы і соспільны лемківскы локальны ініциятивы.
Треба выполнити анкєту онляйн (15-20 минут), яка тыкат ріжных аспектів хоснуваня лемківского языка та думкы на тото, як постерігана єст лемківска меншына. Можна робити анкєту і по леміквскы, і по польскы. Барз важне єст, жебы выполнити ю до кінця.
В подякуваню за выполніня анкєты, отримате три книжкы в електронній версиі.
Як будете мати звіданя, увагы, сомнівы, тыкаючы анкєты/досліджыня, просиме писати на адрес: lcure@al.uw.edu.pl.
Кажда выполнена анкєта єст для нас важна! Будеме вдячны за Вашу поміч.
Ансамбль дослідників Варшавского Університету
Коментарі