Ансамбль ПУНА рекрутує

Єдиний професийний русиньскій фольклорний ансамбль – Піддукляньскій Умелецкій Народний Ансамбль з Пряшова, оголосил рекрутацию на членів танцювальной ґрупы колективу, котра пройде уж 27. вересня/септембра т.р. в театрі Йонаша Заборского в Пряшові.

Конкурсовы переслуханя зачнут ся в найближшу середу, 27. вересня/септембра, о 12.00 год. Можут в них взяти участ так хлопці, як і дівчата, котры скінчыли 18 років. Охочы мусят вказати свій артистичний талант, выконуючы народний та клясичний танец.

Выграна в конкурсі то великє выріжніня, а часом аж і сполніня мрій, особливо тых, якы сут любителями народного танця. Особы, котрым ся поведе быти членом ПУНА, будут мати можливіст гуляти народны танці на найвыжшым, професийным рівни, будут мочы выступувати на великых, світовых сценах. Приналежніст до ансамблю дає не лем материяльний хосен, але і дозвалят розвинути своі пасиі, а тіж вказати русиньскій фольклор.

Кєд лем маш таку мрію, єс любительом народного танця, маш талант, пряшівскій ансамбль горячо просит.