Апостол – 28. неділя по Сошестві Святого Духа – неділя, 09.30 год.

Чітаня з Писма святого апостола Павла Колосанам – зачало 250. (1.; 12-18)

(Братя), дякуйте Богу і Отцю, котрый нас закликав, жебы сьме мали частку з наслідства святых у світлі. Він нас выслободив зо силы тмы і переніс до Царьства свого любого Сына. В нім маме через його кров одкупліня і одпущіня гріхів. Він є образ невидимого Бога, рожденый перед вшыткыма сотворінями, бо в нім было сотворене вшытко, што є на небесах і на землі, видиме і невидиме: престолы, царьства, верьхности, силы; вшытко через нього і в нім є сотворене. Він є перед вшыткыма, а вшытко перебывать в нім. Він є голова тіла Церькви. Він є початком, родив ся як першый із мертвых, жебы мав у вшыткім первенство.