Барвінок – «Русиньскы коляды» – пятниця, 18.00 год.

Дорогы слухачы, тоты котры симпатизуют з нашым ансамбльом Барвінок. Приносиме ґу вам нове ЦеДе під назвом «Русиньскы коляды».

Од років фольклористична ґрупа Барвінок з Камюнкы дає притиск на сохраніня русиньскых звыків і обычаів, котры доднес сут жывы в нашым рідным селі. До того, на тій платни, презентує і церковны співы східнього обряду, прото што віра Русинів єст східня, а церковны традициі всемогучо влияют на нашу культуру.

Тепер лем просиме Вас дорогы слухачы, перенесме ся вшыткы до нашого храму, до русиньской церкви свв. Петра і Павла в Камюнці і почуйме милозвучны колядкы в церковнослявяньскым і русиньскым языках і камюнчаньскы вінчуваня. Най ідут ґу вам они вшыткы і потішат вас в Різдвяний час.

Барвінок в церкви свв. Петра і Павла в Камюнці