«Бесіда» (марец-квітен) – до придбаня

Стоваришыня Лемків печатало найновше, весняне чысло свого пресового орґану – двомісячник «Бесіда», но. 2 (161), марец-квітен 2018 р. В ґазеті мож прочытати м.ін.:

• Петро Трохановскій, Бурсяне колядуваня іщы раз не в Бурсі – репортаж і фотореляция Петра Басалыґы;
• Севериян Косовскый, «Мосты Старосты 2018»: головна нагорода для лемківского ансамблю Серенча;
• Ваньо Дзядик, Дияментовий Ювілей Анны і Адама Барнів;
• Андрий Копча, Срібний Ювілей в Ґожові – реляция з ХХV Стрічы з Лемківском Культуром в Ґожові Великопольскым;
• Севериян Косовскый, Новорічна стріча з Розтоком;
• Інтервю Северияна Косовского з ведучым ансамблю Розтока, Владиміром Зорило;
• Богдан Ґамбаль, Світовий Ден Радия;
• Петро Медвідь, Русины будут одзначати 100-літя выникніня ЧСР;
• Петро Трохановскій, Мій Марец 1968; 
• проф. Іван Поп, Кінець імперії. Важне пробудження русинів у новій державі – незалежній Україні. 

Окрем выміненых горі статий, посліднє чысло «Бесіды» приносит нам як все скоропис найважнійшых новин з Лемковины і не лем. Поличка з доступной пресы вєдно з коментарями дає можніст запознати ся з фраґментами статий так з польской, як словацкой пресы, якы односят ся до русиньскых тем. В номері чытати мож статю в єдным зо загыбаючых языків Кавказу – карачайскым. Дослідникы з тамтых земель написали в своій рідній бесіді допис про Лемків/Русинів.

«Выдавнича поличка» приносит нам інформациі про Skryty wymiar etyczności w myśli Martina Heideggera. Публикация не лемкознавча, але єй автором є вчений Лемко, др філософіі Павел Коробчак. Дальше чытати мож слово про новы выданя з Пряшівской Руси, т.є. про книжку Штефана Сухого пн. Як Русины реляксують та Червеный берег Людмилы Шандаловой. Шефредактор выданя помістил і (бодай вынятково) коротку критичну опіню односячу до ново печатаной книжкы автора, якій пише під псевдонімом Кірил Болцарьовскій.

В части «Одышли од нас / Попращали мы» находит ся споминове слово про покійного Василя Квоку з Ізб (1934-2018) ай про покійну Марію Цюрик з Ґладышова – Вірхни (1935-2018).

Двомісячник «Бесіда» то часопис Головного Заряду Стоваришыня Лемків, выходит од 1989 рока, присвячений єст збережыню істориі, культуры і языка Лемків, інформуючий о жытю нашой і братніх нам соспільности, плекаючий вірні надіі прадідів і вітців.

«Бесіду» мож почытати в бібліотеці Руской Бурсы в Ґорлицях, котра отворена єст од понеділька до пятниці в год. 08.00-16.00, або по індивідуальным догваріню в інчым терміні. Ґазета є тіж доступна в локальных Кружках Стоваришыня Лемків в Польщы.