«Бесіда» – першый номер за 2023 рік уж доступный

Першый тогорічный номер часопису Стоваришыня Лемків – «Бесіда», ч. 1 (190) за місяці січен/лютый 2023 р. – єст уж доступный. Тото зимове чысло інформує головно о подіях в нашым світі, што проходили в остатніх місяцях 2022 рока.

В посліднім номері часопису прочытаме м.ін. статі:

• Leszek Szaruga, Kultura Łemków odradza się z tym samym uporem, z jakim wygnany Nikifor wracał do Krynicy;
• Севериян Косовскій, Кєрмеш в Михалові – парохіі, яка має уж 75 років;
• Севериян Косовскій, Ден Русинів Польщы – были сме вєдно не лем на Лемковині. Памятали і чужына з Америком;
• Андрий Ковальскій, XV Стрічы Трьох Поколінь з Лемківском Культуром;
• Петро Трохановскій, Юрий Новосільскій;
• Петро Трохановскій, Григорий Пецух.

«Бесіду» традицийно отверат нам част «Новины, не новины – не лем з Лемковины», найдете тіж спис подій за остатні два місяці. Почытаме і выімкы з інчых ґазет – польско- і словацкоязычных дописів. В текстах тых пишут о нас – часом згідно з правдом, а часом цілком выдумано. Прото і при текстах являют ся коментарі редактора часопису.

Двомісячник «Бесіда» то часопис Головного Заряду Стоваришыня Лемків, выходит од 1989 рока, присвяченый єст збережыню істориі, культуры і языка Лемків, інформуючый о жытю нашой і братніх нам соспільности, плекаючый вірні надіі прадідів і вітців.

«Бесіду» мож почытати в бібліотеці Руской Бурсы в Ґорлицях, котра отворена єст од понеділька до пятниці в год. 9.00-15.00, або по індивідуальным догваріню в інчым терміні. Ґазета є тіж доступна в локальных Кружках Стоваришыня Лемків в Польщы.

Найновшый номер, як тіж архівальны номеры часопису «Бесіда» годны сте придбати в електронічній версиі на сайті www.stowarzyszenielemkow.pl.