Бескідник. Так ся называт ґеоґрафічно-туристичний радийовий проґрам, котрий ведений єст Якубом Зиґмунтом в кажду пятницю од 11.00 до 12.00 год.
В тоту пятницю, 25. мая 2018 р., зачынаме з новом, літньом формулом проґраму. Але нич ся не бійте. Дале будеме іздити в далекы і близшы подорожы глядати природничо інтересуючых місц на світі і в Карпатах. В місце гірскых вандрівок, в каждым проґрамі дознате ся про нову роверову екскурсию в Низкым Бескіді. А вшытко тото буде перемішане, як все, музыком зо світа.
Де поіхаме тым разом? Підеме на Близкій Схід глядати великых фіордів і плянатций босвеллиі. Пак дознаме ся, де в Бескідах мож найти белемніты в скалах і што то за звірята были. Наконец зробиме роверову подорож по Західній Лемковині. До стрічы о єденадцетій!
Коментарі