Бескідник #34 – пятниця, 11.00 год.

Бескідник. Так ся называт ґеоґрафічно-туристичний радийовий проґрам, котрий ведений єст Якубом Зиґмунтом в кажду пятницю од 11.00 до 12.00 год.

То буде уж 34 одтинок «Бескідника». Што будеме слухати в найблизшу пятницю, 30. листопада/новембра 2018 р.? Підеме на другій найдолший (450 км) шляк в Польшы, якым єст синій шляк, ідучий з Ґрибова до Ряшова, званий єст він тіж Шляком Казімєжа Пулаского. Буде і о маршруті, якым він веде, та місцевостях, якы стрітиме по дорозі. Напевно будеме вандрувати вельо по Лемковині і по польско-словацкій граници. Як іщы не мате плянів на зимову вандрівку по горах, то синій Шляк Казімєжа Пулаского жде на Вас!

Чуєме ся, як все, о єденадцетій!

В Бескіднику іздиме в далекы і близшы подорожы глядати природничо інтересуючых місц на світі і в Карпатах. А вшытко тото буде перемішане, як все, музыком зо світа.