Голосник

Бескідник #57 – пятниця, 11.00 год.

Бескідник. Так ся называт ґеоґрафічно-туристичный радийовый проґрам, котрый веденый єст Якубом Зиґмунтом в кажду пятницю од 11.00 до 12.00 год.

Жар, пустыня і брак воды. Так ся нам може асоциювати Ємен – страна, до котрой підеме в найблизшым одтинку «Бескідника», 31. мая 2019 р. Вкажеме Вам, же арабскы державы тіж можут быти інтересуючы. Дознаме ся про ґеоґрафію, будеме експлорувати столицю – Сану, як і другы не меньше важны міста. Підеме на пустыню та одкрыєме долину Ваді Хадрамаут. Берте зо собом шапкы, бо в ночы будут аж і морозы!

Чуєме ся, як все, о єденадцетій!

В Бескіднику іздиме в далекы і близшы подорожы глядати природничо інтересуючых місц на світі і в Карпатах. А вшытко тото буде перемішане, як все, музыком зо світа.

Шеруй.

О авторі

Jakub Zygmunt

Лях зо Санча. Ґеолоґ, але на штоден робит в інчых професиях. Знат 5 языків, але на ЛЕМ.фм хоснує лем два з них. Любит вандрувати, неконечні там, де вшыткы люблят.

Коментарі