Голосник

Бескідник #60 – пятниця, 11.00 год.

Бескідник. Так ся называт ґеоґрафічно-туристичный радийовый проґрам, котрый веденый єст Якубом Зиґмунтом в кажду пятницю од 11.00 до 12.00 год.

«Бескідник» одкрыват для слухачів вшыткы стороны світа. І хоц маме уж початок літа і вкінци робит ся направду тепло, дайме шансу і тым холоднійшым напрямам. В найблизшым одтинку підеме зас на пілніч нашого континенту – поіхаме до Фінландиі, а докладні до єдного з барже інтересуючых міст той державы, до Тампере. Будеме вандрувати центром міста, познаме його історию та очывидно будеме експлорувати фіньскій ліс! Буде мож почути і традицийну фолькову музику з угрофіньской стороны.

Чуєме ся, як все, о єденадцетій!

В Бескіднику іздиме в далекы і близшы подорожы глядати природничо інтересуючых місц на світі і в Карпатах. А вшытко тото буде перемішане, як все, музыком зо світа.

Шеруй.

О авторі

Jakub Zygmunt

Лях зо Санча. Ґеолоґ, але на штоден робит в інчых професиях. Знат 5 языків, але на ЛЕМ.фм хоснує лем два з них. Любит вандрувати, неконечні там, де вшыткы люблят.

Коментарі