Боіско #76 – архівальны награня – Йоан Дідик – понедільок, 20.00 год.

Днеска в Боіску продолжаме серию бесід з архіву проф. Олены Дуць-Файфер. То результаты тереновых досліджынь на Лемковині в 90. роках ХХ ст. Якіст бесід не єст найліпша зо взгляду на доступну товды апаратуру, але іх значыня історычне – безцінне. Днес почуєме бесіду з Паном Йоаном Дідиком.

Проґрам Боіско – премєра в понедільок 16. листопада/новембра о 20.00 год., повторіня о 2.00, 8.00 та 14.00 год. наступного дня.

Як то в лемківскым боіску – вшытко єст. Але як дашто порядне, потрібне найти, то уступ ся земльо. Кус поважні, часом ні, про тото, што ся гев, або гын, діє. Будеме чути. В боіску сідит Павльо і не лем. Павльо ря(а)дит.