Борба іщы не єст скінчена – «Говорить Пряшів» – пятниця, 18.10 год.

Пришол час, жебы зас заявити про наш проґрам. Хоц здає ся нам, же уж не треба того підкрисляти, шак порядок высыланя нашого першого лемківского радия єст каждому уж знаный. А напевно уж пятницьовый «Говорить Пряшів».

За нами дакус студеных дни, але маме надію, што тепло уж скоро приде. Зайде до нас весняный вітрик, сонце і пахняче квітя. Все то ся має даяк інчакше дома – на Лемковині, а все інакше далеко од хыжы – на чужыні. Природа дома все пізнійше пристає.

Знайме, што лемківска природа, карпатскы лісы і чудовый воздух то штоси, чого нам інчы завидят. Знайме, што борба за лісы іщы не єст скінчена. Іщы трубы загырмлят.

Покля ґу тому дійдеме, дайте запросити ся на днешню авдицию. В Культурным калейдоскопі дальше про тото, што гейбы могло быти, але ся не одбуде. Познайме ся і з Нашыма целебритами, Перличком ци Історичным календарьом. Шак нарід без істориі перестає быти народом.

Просиме вшыткых прошеных.