Бурян на маівці в Реґєтові

В днях 23-24. мая т.р., в Реґєтові буде проходила маівка, котра находит в своім проґрамі і лемківскы акценты. Отже, в проґрамі подіі чытаме, же в неділю 24. мая, од год 13.00, свій годинний концерт даст лемківска, молодіжна ґрупа “БУРЯН”, котра в своім репертуарі головні співат і грат лемківскы пісні і співанкы.

Окрем выступів ансамблів і музычных ґруп, орґанізаторы зрыхтували вельо інчых цікавых атракций.

Веце інформаций долов на залученым афішы.

Ансамбль Бурян был оснований в 2008 році з ініциятывы Марка Ротка. Інспірацийом ансамблю є головні лемківска народна музыка – молоды музыкы, то мешканці Низкого Бескіду, сут серед членів ансамбю тіж Лемкы. Ансамбль творит сім осіб, а на інструментарий складают ся: електрычна ґітара, акустычна ґітара, гармонія, флет, гушлі, джембе, перкусия. На своім конті мают дві платні, выданы в 2009 і 2011 році, на котрых почути мож ріжны пісні в іх авторскых аранжациях.