Де на Маланку?

Част Русинів уж по Різдвяных Святах, част іщы перед нима. Але і єдны, і другы, думают над тым, де піти погуляти по Филипівці?

Часы такы, же сме выгідны, а кєд Новий Рік выпаде в будний ден, часто переносиме тзв. “Маланку” на найблизший вікенд (наша пропозиция перенести на майовий вікенд – товды теплійше). Не смотрячы на тото, можете дашто выбрати з оферты новорічных забав. В минулу суботу проходила перша з них – IV Русиньскій Баль в Пряшові, a в січни імпрез буде гідні більше.

Першы з них будут проходити уж 9. січня в Ліґници (дрібниці за мотузком) і 10. січня 2015 р., одраз по Різдвяных Святах (за юлияньскым календарьом) в Бардийові (чытайте за мотузком) і Хойнові (більше інформаций – ту).

Дальше – посеред тыжня! – любителі стрічаня Нового Рока товды, коли ся го повинно стрічати, можут отворити шампана докладні о пілночы з 13./14. січня 2015 р. в Мохначці (чытайте – ту), або в Любіні (за інформацийом клікнийте гев), на орґанізуваных там Маланках.

А кєд уж привитате Новий Рік, чом бы не повторити забавову атмосферу на наступній акциі, котра одбуде ся 17. січня – 14. Русиньскій Баль в Братиславі (інфо за мотузком)?

Выберайте самы, лем памятайте, же по забаві зас треба вернути до брутальной штоденности. 🙂