Жыдівскє Стоваришыня Чулент разом з Малопольскым Воєвідскым Урядом (при спертю м.ін. Стоваришыня Руска Бурса і Ґміны Устя Ґорлицкє) орґанізувало 1 червця т. р. Ден Дітины в рамках проєкту Наш Краків – Наша Малопольща. Головным пунктом подіі были артистычны варштаты для діти і молодежы, а головным мотивом варштатів – ріжны азбукы і місця повязаны з етнічныма і нацийональныма меншынами, якы жыют в Малопольщы. З так намалюваных образів основано інсталяцию, вказуючу мультікультуровіст Малопольщы.
Цілями проєкту были, окрем спільной стрічы, забавы і інтеґрациі, проломлюваня стереотипів, пошырюваня толеранциі і борба з расизмом і антисемітизмом.
Подія задумана была для вшыткых, вступ – дармо, а для діти передвиджений был почастунок і подаркы.
Почестний патронат принял Єжы Мілер – Воєвода Малопольщы.
Запрашаме до пообзераня ґалериі знимок (якы прислали нам орґанізаторы) з подіі – за мотузком.
Коментарі