Ден Копальників на Шлеску – пятниця, 15.30 год

Дня, 4. грудня/децембра, выпадат важне свято во східніх церквах, праздник Введіня в храм Пресвятой Богородиц. Тото свято особливо прославлят ся в православній парохіі Святой Тройці в Любіні коли то до храму Божого приходят зо своима родинамы в своіх святочних облечынях представникы Копалнианой фірми а особливо копалникы з чорныма, білыма та і зеленыма перопушамы при чако. Разом з копалникамы ден святочны празнуют тіж гутникы і інчы робітникы.

Окрем праздника Введіня в храм Пресвятой Богородиц выпадат тіж важне дла вшытких копалныків з мідьового комбінату, єдного з найбільшых во світі продуцентів міди то є свято Ден св. Варвары (за західнім календарьом).

В свято копальників запрашаме слухати проґрам – інтервю з лемківскым копальником з Осєка Любомиром Горощаком.
Премєра проґраму о 15.30 год., реприза в суботу, 5. грудня/децембра о 14.00 год.

Тепер запрашам Вас слухати заяву бесіды з копалником

Цілу бесіду почуєте в радию Руской Бурсы на частотах: 106.6 МГз в Ґорлицях, 103.8 МГз в Польковицях i в цілым світі онляйн на www.lem.fm.

З нагоды свята Введіня во Храм Пресвятой Богородиці і Приснодівы Мариі, а і Святой Варвары, покровителькы копальників, гутників і ін., желаме вшыткого найліпшого, дуже здоровля і того, жебы выіхати горі тілько раз, што зъіхати долов.