Днес в Ліґници дискусия присвячена міґрациі

Днес, 15. грудня/децембра 2017 р., в Ліґници пройде одкрыта дискусия пн. «Різдво а проблем еміґрациі». На подію просят Ліґницкій Центр Культуры, Інститут Социйолоґіі Вроцлавского Університету та Етноґрафічний Музей во Вроцлаві.

В бесіді, яка буде ведена др габ. Єжы Журко з Інституту Социйолоґіі ВУ, участ возмут представничка Етноґрафічного Музею во Вроцлаві – Павлина Сухецка, та парох грекокатолицкой парохіі Успіня Пресвятой Богородиці в Ліґници – о. Мирослав Драпала.

Вчас одкрытой бесіды будут порушены нелегкы в днешніх часах темы, такы як біженьство ци міґрациі – так з Польщы, як і до Польщы. Вшытко тото буде конфротнуване на фоні ближачых ся Різдвяных Свят.

По дискусиі, яка зачне ся о 17.00 год. (будинок Рыцарской Академіі), одбуде ся святочний концерт коляд, вчас котрого выступит лемківска співачка, музыколоґ, др габ. Боґуміла Тарасєвич – выкладачка Зеленогірксого Університету. Акомпаніямент буде вюл Юлиян Татаринович.