Одозва дo увагы Ясюнчан!
«Вірю, же по нас тыж слід остане, бо памят сильнійша од смерти».
Добрі писати з радістю і гордістю, же єм з Ясюнкы. Тото, што было насильно забране через ПНР (PRL) наслідством Акциі «Вісла», Річпосполита мі оддала. Не важне, кілько років мусіл єм чекати, переконувати найвысшы уряды, же власніст чловека згідні з римскым правом єст правом Святым. Болячо мі, же Няньо того не дочекали.
На даный час кінчу книжку о істориі Ясюнкы і роду Гайтко. Ясюнчане то горды мешканці, то горды Лемкы. Хоц розшмарено іх по Польщы і цілым світі, істніют і будут істніти, докля будут Лемкы. Лемковина єст Там, де сут Лемкы і іх віра, незалежні до якой Церкви ходят.
Барз ся тішу, же вертам до Ясюнкы. Мам добрых сусідів, жыє там молоде поколіня, котре думат інакше, не сут шовіністами.
Сполнили ся мриі мойого Няня, Ваня Гайтко, і діда Михала о повороті до Ясюнкы, зрештом – і вельох Ясюнчан. То нич, же лем єден ся вернул, од чогоси треба зачати; Бог дал, же вернул ся до Ясюнкы Гайтко. І для упамятніня повороту першого Лемка до Ясюнкы прагну поставити на моій земли, земли прадідів Гайтко, КРЕСТ і ПРОПАМЯТНУ ТАБЛИЦЮ з назвисками родин выселеных з Ясюнкы і напис (по лемківскы, по польскы і по анґлицкы) о змісті: І одпуст нам нашы провины, як і мы одпущаме нашым виновникам (може Чытателі мают інчы думкы і мі підповідят). Істориі уж не зміниме, не будеме вести войны.
Ниже подаю назвиска мешканців Ясюнкы, котры жыли ту до выселіня. Прошу Вас, дорогы Чытателі, о провіріня назвиск, може дакого єм поминул, може назвиско єм перекрутил – поправте.
На конец подаю номер телефона і мій е-майль. Пиште, дзвонте, не ображу ся на жадну критику. І – на конец – кєд бы даяка родина хтіла мі помочы фінансово зреализувати мою мрию, то буду вдячный, бо неє ничого задармо. З горы – Боже заплат!
О ході робіт буду інформувал заінтересуваных.
Михал Гайтко
Контакт: michalhajtko@wp.pl
тел. 605 544 988
НАЗВИСКА РОДИН прожываючых в Ясюнці до 1947 рока
Бігуняк, Быбель, Ваньовскій, Ваньцко, Васєнко, Василько, Вислоцка, Гайтко, Ґбур, Ґібот, Ґыба, Ґрацонь, Ґуреш, Дзьопа, Динча, Дитко, Докля, Дрийовскій, Журав, Злотоцкій, Зорило, Каміщак, Квочка, Кыцей, Кобан, Колотко, Копера, Копча, Косар, Курило, Кущак, Лепак, Марчак, Михалик, Мотыка, Налемик, Обєшкєвич, Пац, Пелеш, Перун, Пеш, Підберезняк, Підлипчак, Пыртко, Пласконь, Прон, Романчак, Ротко, Сидоряк, Смый, Сокыра, Стрыцю, Сцібор, Сціферт, Теодорко, Урда, Феленчак, Филяк, Целета, Шведа, Шкімба, Шкурат, Шойфер, Шопа, Шпяк, Якыммик.
NAZWISKA RODZIN zamieszkałych w Jasionce do 1947 roku
Bihuniak, Bybel, Celeta, Dokla, Dryjowski, Dyncza, Dytko, Dziopa, Felenczak, Filak, Gbur, Gibot, Gracoń, Guresz, Gyba, Hajtko, Jakimik, Kamiszczak, Kicej, Koban, Kołotko, Kopcza, Kopera, Kosar, Kuryło, Kuszczak, Kwoczka, Lepak, Marczak, Motyka, Mychalik, Nałemyk, Obieszkiewicz, Pac, Pełesz, Perun, Pesz, Płaskoń, Podberezniak, Podlipczak, Pokryszczak, Pron, Pyrtko, Romańczak, Rotko, Scibor, Scifert, Smyj, Sokyra, Stryciu, Sydoriak, Szkimba, Szkurat, Szojfer, Szopa Szpiak, Szweda, Teodorko, Urda, Waniowski, Wańcko, Wasienko, Wasylko, Wisłocka, Złotocki, Zoryło, Żuraw.
Ґорлиці 106,6 MHz
Коментарі