Два вікенды з Музічком

Танцувальний Дім в Подолі разом з ансамбльом Музічка просят на варштаты, забаву – словом, спільну стрічу, яка буде проходила 22. листопада т.р. в Культурным Домі в Подолі.

Найперше буде мож ся привчыти гуляти такы танці як: чардаш зо Замутова (Земплин) і шорового з Погорелей (Горегроні), а пак спрібувати іх в практыці – на забаві.
Вчыня танця буде проходило під оком інструкторів Владо Міхалка і Мартіны Купцовой.
Окрем того, хто буде мал охоту може лишыти ся спати (задармо) в Культурным Домі, а і посилити ся ґуляшом.

В наступну суботу 29. листопада в Культурным Домі в Вернарі над Попрадом, під оком тых самых інструкторів, што в Подолі, буде проходило вчыня танців з Вернара і з Погорелей, а як бонус – чардаша зо Сочевской Полянкы, але то іщы не вшытко. Школу співу буде вела ґрупа Музічка, яка охочых навчыт стародавных пісен з Вернара. По варштатах буде очывидні забава, якій музычну оправу забезпечыт ансамбль Музічка.

Дрібниці найдете на офіцияльній страні ансамблю Музічка.

А гев позерайте як Музічка проводит свобідний час зо своіма камаратами 🙂