Двоістина – Юрия Новосільского

Сцена Пропозициі Жешовского Університету прирыхтувала театральний спектакль під наголовком Двоістина – DWOISTOŚĆ, інспіруваний мистецтвом і выповідями єдного з найважнійшых лемківскых артистів – Юрия Новосільского.

Режысером передставліня є артиста маляр, сценограф, а заєдно театральный творця, професор выділу мистецтва Жешовского Університету Януш Покривка. Режысер вказує творчіст Новосільского помеже сакрум а профанум, на границі католицкой і православной церкви, глядат джерела його духовой двоістины в історичных і сучасных національных контекстах східнчой Польщы. Участникы спектаклю примушены сут до рефлексиі над двоістинністю, котра є в каждым, през суґестывны елементы сценографіі і голос самого артисты, котрий чути з голосників. 

Передставліня мож было видіти в ріжных культурных інституциях в Жешові, а тепер в суботу 12 квітня 2014 рока буде мож го видіти мійскій бібліотеці в Стропкові на Пряшівщыні – stropkov.sk