Екуменічні в Ґорлицях

25. січня т.р. од 16.00 год. в римокатолицкым костелі св. Андрия Боболі в Ґорлицях будут проходити XVI Екуменічны Стрічы при Яслах Спасителя. Як все выступлят хоры і ансамблі римокатолицкой, грекокатолицкой і православной церкви, а концерт тот, то не лем нагода до выслуханя, як в ріжных языках ци традициях выхвалят ся прихід Месиі, але предовшыткым нагода до спільной молитвы о єдніст християн.

Своім співом ґорлицкы екуменічны стрічы прикрашали уж м.ін. хор Канторес Карвациянум, Бельферсінґерс, хор Музычной Школы в Ґорлицях, Молодіжний Хор Православной Перемышльско-Новосандецкой Єпархіі Ірмос, православний хор Клірос, ансамбль Ручай ци хор Объєднаня Украінців в Польщы Журавлі.